十二月 25, 2015 • 流动电脑, 平板电脑测试, 评测 •

日系手机就试得多，依部日系平板你又有冇兴趣？依部 Docomo dtab D-01G 平价平板由华为代工，拥有 8 吋 1280 x 800 IPS 屏幕，水货 1,000 蚊都唔使，想知有几抵玩就继续阅读啦！

金属机身 冇乜日系风格

虽然 1,000 蚊都唔使，但外型一啲都唔悭皮，除咗机面、机背上下方用上胶质，机背同机边大部份位置都用上金属材质，睇落一啲都唔觉系平价，但金属材质就令机身更加重，所以单手操作就更加变得冇可能。身为日系机，可能因为由华为代工，所以外型上，边框唔幼，圆滑机身，又唔防水。真系一啲日系风格都见唔到。

虽然 1,000 蚊都唔使，但外型一啲都唔悭皮，除咗机面、机背上下方用上胶质，机背同机边大部份位置都用上金属材质，睇落一啲都唔觉系平价。

但金属材质就令机身更加重，所以单手操作就更加变得冇可能。

开关及音量键都位于右侧。

左侧干净利落，乜制都冇。

MicroUSB 位于机底。

机顶可以见到耳机位。

将机背底部白色胶盖拆开就可见 MicroSD 及 Sim Card 槽。

1280 x 800 屏幕 机面双喇叭成亮点

8 吋 HD （1280 x 800) IPS 屏幕，计返起得 188.68ppi细致度就好低啦，而亮度亦都麻麻，就算较到最光，日间嘅户外阅读屏幕都有啲唔舒服，但系好在颜色都 OK 够鲜艳，而最值得赞嘅就系两个喇叭位于机面上下方，睇片时声音更直接传到耳朵，箩文就算将音量教到最高，喇叭仍然靓声。另外包装盒入面仲附送一支棒，究竟乜黎？原来系俾你睇片时将 D-01G 站立，系贴心嘅。但系支棒都几大支㖞，点拎出街呀…

8 吋 HD （1280 x 800) IPS 屏幕，计返起得 188.68ppi细致度就好低啦，细心睇可以见到起格情况。

睇 YouTube 最高只可较 720p。

虽然细致度同亮度都麻麻，但颜色表现都唔错。

成部机嘅加分位就系位于机面上下方两个喇叭，睇片时声音更直接传到耳朵，箩文就算将音量较到最高，喇叭仍然靓声。

另外包装盒入面仲附送一支棒，究竟乜黎？

原来系俾你睇片时将 D-01G 站立，系贴心嘅。但系支棒都几大支㖞，点拎出街呀…

相机一般 平板系咁架啦

D-01G 搭载 510 万像素镜头及 90 万像素前镜，像素低，但系有边个会随街拎住部 8 吋嘅平板影相呀！所以平板嘅影相功能都系只供紧急用途，影出黎油画化严重，亦冇内置柔光灯，昏暗地方随时乜都影唔到，但系箩文觉得影出黎颜色几得意，有 Toy Cam 感觉，想玩嘢可以照用黎影相，否则都系用返手机影算啦。

D-01G 搭载 510 万像素镜头及 90 万像素前镜，像素低，但系有边个会随街拎住部8吋嘅平板影相呀，所以平板嘅影相功能都系只供紧急用途

影出黎油画化严重，亦冇内置柔光灯，昏暗地方随时乜都影唔到，但系箩文觉得影出黎颜色几得意，有 Toy Cam 感觉。

轻轻放大已经见到油画化

入门规格 大电池

用上 HiSilicon Kirin910 4 核处理器，而且得 1GB RAM，16GB ROM，OS 用上 Android 4.4.4 (Kit Kat)，真系好入门嘅规格，用落就算喺自身介面上都有啲窒机情况，但系电量就唔差㖞，用上 4,650mAh 电池，保守估计都用到一整日。

箩文：「平价平板 抵玩前置双喇叭」

1,000 蚊都唔使嘅价钱，买到一部有金属机身日系 8 吋平板都算系咁，望一啲都唔似平价机，虽然屏幕唔算靓，但最正就系有前置双喇叭，睇片听歌都靓声好多，而且电量都系卖点之一，所以买黎粗用都抵架。

售价：$980

查询：23740618（三禾）

推荐阅读：莆田在线